نوشهر تا نور ره تسه زمه قدم، دلبر نوشهری دا بویه یاقی دا ♩ تنه خومه تا دل غم بوو کم، دتر کجوری دا چریک و جنگی دا ♩ صبح ره شو هاکنم کیجا تنه ور، دلبر نوشهری دا بویه یاقی دا ♩ ته اسم ره خال بزنم شه دل سر، دتر کجوری دا چریک و جنگی دا ♩

♫♫♫ ♫♫♫

خبر بمو در شونی از این شهر، دلبر نوشهری دا بویه یاقی دا ♩ ونه چی بووشه اول و آخر، دتر کجوری دا چریک و جنگی دا ♩ خیال عاشقی دره منه سر، دلبر نوشهری دا بویه یاقی دا ♩ شه چشم ره ومه تا بیم تنه ور، دتر کجوری دا چریک و جنگی دا ♩

♫♫♫ ♫♫♫

جوونی ره تسه هاکردمه پیری، دلبر نوشهری دا بویه یاقی دا ♩ من ره آخر سر تو دست نهیری، دتر کجوری دا چریک و جنگی دا ♩ مبادا شه چشم ره از من بهیری، دلبر نوشهری دا بویه یاقی دا ♩ تنه بکشیمه چند سال اثیری، دتر کجوری دا چریک و جنگی دا ♩

(( پایان ))