آی تنهایی بکشیمه این همه درد ره

خزون بهیمه بهار دار و برگ ره

مگر آدم چیه دنیا نامرده

هر روز و شو شه چشم بدیمه درد ره

♫♫♫♫

تا درمی قدر همدیگر ندومی خدا مه حال ره هارش

چه زخم ها که وره مرحم نزومی خدا مه حال ره هارش

اتا سر شه پر و مار ره نزومی خدا مه حال ره هارش

چیه دشمن جان هم بوه می خدا مه حال ره هارش

♫♫♫♫

[ شاه بیت ]

رفق مه حال ره هارش مه کار و زار ره هارش

بی وفا یار ره هارش مه دل زار ره هارش

♫♫♫♫

تا کی مه خونش خونشه صدا بو رفق مه حال ره هارش

مگر بونه سر از بال لینگ جدا بو رفق مه حال ره هارش

کدوم قصر ره بدی بی پادشاه بو رفق مه حال ره هارش

بمرد روز کورمه مه سر صدا بو رفق مه حال ره هارش

♫♫♫♫

[ شاه بیت ]

خدا مه حال ره هارش مه کار و بار ره هارش

بی وفا یار ره هارش مه دل زار ره هارش

---